تاج الثورة

*** هل توقعت ثورة 25 يناير؟
توقعتها دايماً بس ما توقعتش ميعادها


*** وهل كنت من ثوار ميدان ( التحرير _ الكنبة _ الكمبيوتر _ حدد الميدان الآخر الخاص بك )
الكمبيوتر و التلفزيون لإني خارج مصر بس لو كنت فيها ما كنتش حأتردد لحظة في المشاركة الفعلية في دمنهور عندنا و يمكن كنت انزل التحرير كمان وبأحسد اللي شاركوا لإني كان نفسي أكون معاهم


*** مالم تنجح الثورة في تحقيقه هو ....................( اختار شيئا واحدا)
لم تنجح في تطهير البلاد بعد و رفع الظلم عن كل المظلومين لكنها ستنجح بإذن الله


*** أكثر شىء فرحك في هذه الثورة هو .........................( اختار شيئا واحدا )
إستعادة مصر لكرامتها و بدئها في إستعادة مكانتها اللائقة بها


*** الشخصية التي أعجبتك خلال الثورة .......................
شخصيات كتير ما تعدش لإن الثورة كانت و مازالت مليانة أبطال


*** الشخصية التي احتقرتها بسبب الثورة ....................
كل الشخصيات اللي هاجمت الثوار بحقارة و نافقت النظام البائد تقدروا تشوفوهم في قناة باسم يوسف على اليوتيوب
http://www.youtube.com/user/bassemyoussefshow
و الفيديو ده لمنى توف
http://youtu.be/jw8DYTxFoGo
جابوا من الآخر الصراحة


*** أطرف ما سمعته خلال الثورة ؟( تعليق _ نكتة _ حدث _ أخرى )
فيديوهات باسم يوسف  اللي فوق دي




*** القناة التي تابعت من خلالها أحداث الثورة هي ...........................
الجزيرة


*** الجريدة التي كنت تقرأها لتتابع الثورة هي ...........................
الدستور الأصلي


*** الكاتب المفضل خلال الثورة هو ...........................
فهمي هويدي و بلال فضل حتى لو إختلفت مع بلال شوية


*** المذيع (المذيعة) المفضل خلال الثورة هو .......................
مش بيفرق معايا المذيع المهم بيقول إيه 


*** كلمة تقولها لشهداء وجرحى 25 يناير ....................
دمكم مش حيضيع و لا حيروح هدر لازم نجيب حقكم و حق كل مصري


*** متقولش إيه إدتنا مصر وقول حندي إيه لمصر
عندك حاجة تديها لمصر ؟
مش عارف لكن أي حاجة حأقدر أعملها لخير البلد مش حأتأخر أبداً


*** من سترشح لرئاسة الجمهورية ؟ ولماذا ؟
لحد دلوقت شايف البسطويسي و البرادعي أحسن 2 مرشحين بس مش حأقرر غير في آخر لحظة لما أشوف برامج المرشحين و أقارن مقارنة دقيقة بينهم و نفسي واحد منهم يكون رئيس و التاني نائب لإنهم هما الإتنين ممتازين بجد للمرحلة الجاية


*** لو أصبحت رئيسا لمصر ما هي أول ثلاث قرارات لك ؟
أنا ما أنفعش رئيس بس بفرض ده
1- تطبيق المادة الثانية بشكل فعلي بحيث يتم إلغاء كل القوانين المخالفة للشريعة الإسلامية و تقنين مبادئ الشريعة الإسلامية المجمع عليها في مواد قانونية واضحة يوافق عليها البرلمان و تحكم بها المحاكم و يطبقها المجتمع حتى لو بشكل تدريجي لكن بجدول زمني واضح


2- تطبيق حد أدنى للأجور لا يقل عن 1200 جنيه شهرياً و إعانة بطالة 500 جنيه شهرياً و حد أقصى للأجور لا يزيد عن 36 ألف جنيه و هو ما يساوي 30 ضعف الحد الأدنى مع برنامج رعاية إجتماعية مكثف للطبقات الفقيرة


3- إصلاح علاقتنا الخارجية مع كل دول العالم الصديقة لنا بحق و مراجعة الإتفاقيات مع إسرائيل لتحقيق نوع من التوازن حتى نتمكن من إلغاء المعاهدات و العلاقات بيننا فيما بعد عندما تصبح مصر قوية بما يكفي لذلك


*** لو أعطوك نصيبك من المليارات المسروقة , ما توقعك أن يكون نصيبك منها وماذا ستفعل بهذا المال ؟
لو فلوس مبارك بس السبعين مليار دولار قسمناها على 80 مليون حتعمل 875 دولار للفرد يعني حوالي5000 جنيه للفرد الواحد مش كتير يعني :)



التاج ده جالي من مجداوية
و حأمرره لخمسة و هما
وليد عابد في مدونة مصر 2011
أحمد البستاوي في مدونة أفكار سودة
أحمد منصور في مدونة ربما تشرق الشمس
أحمد سعيد في مدونة عنبر العقلاء
فاتيما في مدونة روح قلب ماما
و على الله بقى محدش فيهم يجاوب :)
كل واحد لازم يجاوب التاج و يمرره لخمسة مدونين تانيين على الأقل